Regular Table

భారతీయ జ్యోతిష్యం అనేది ఒక సజీవశాస్త్రం. దీనినుపయోగించి మన భవిష్యత్తును చాలావరకూ సరిగ్గా తెలుసుకోవచ్చు. మన జీవితాన్ని దిద్దుకోవచ్చు. నీ జీవితగమనం, దాని దిశ, జీవితంలో ఆయా సంఘటనలు జరిగే సమయాలు - ఈ మూడింటిని ఈ శాస్త్రం ద్వారా స్పష్టంగా తెలుసుకోవచ్చు. జ్యోతిష్యశాస్త్రంలో వైద్యజ్యోతిష్యం ఒక భాగం. వైద్యజ్యోతిష్య సహాయంతో మీ జీవితంలో ఏయే రోగాలు ఎప్పుడెప్పుడు వస్తాయో ముందే తెలుసుకునే అవకాశం ఉన్నది. దీనిని తెలుసుకోవడం వల్ల ముందే జాగ్రత్తపడవచ్చు. అవి తలెత్తినప్పుడు వాటిని త్వరగా సులభంగా తగ్గించుకోవచ్చు. లేదా, సరియైన పరిహారాలు చెయ్యగలిగితే, ఆయా వ్యాధులను అసలే రాకుండా నివారించుకోవచ్చు. ఈ గ్రంథంలో వైద్యజ్యోతిష్యం యొక్క మూలసూత్రాలను, వాటిని ఉపయోగించి నేను చేసిన నూరు జాతకాల, నూరు వ్యాధుల విశ్లేషణను మీరు గ్రహించవచ్చు. Purchase paperback on Purchase eBook on

వైద్య జ్యోతిషం మొదటిభాగం చదువరుల అభిమానమును చూరగొనడంతో రెండవభాగమును కూడా అచ్చుపుస్తకంగా విడుదల చేస్తున్నాము. దీనిలో కూడా ఇంకొక నూరుజాతకముల విశ్లేషణలతో, రోగనిర్ధారణ ఏ విధముగా చేయాలో వివరించబడింది. గందరగోళం లేకుండా జాతకచక్రమును సూటిగా ఎలా అర్థం చేసుకోవాలో, రచయిత యొక్క సులభమైన విధానం ప్రకారం దీనిలో వివరించబడింది. Purchase eBook on

ఈ పరిశోధనా గ్రంథంలో, పద్దెనిమిది మంది భారతదేశపు మహనీయుల జాతకాలు, వారి జీవితంలోని ముఖ్యసంఘటనలు వివరించబడ్డాయి. వీరిలో అతిప్రాచీనుడైన శ్రీకృష్ణునితో మొదలుపెట్టబడి, మన కాలంలోనే జీవించిన జిల్లెళ్లమూడి అమ్మగారి వరకూ 18 జాతకాలున్నాయి. వీరి జాతకాలను వ్రాయాలంటే, ముందుగా వీరి ఖచ్చితమైన జననసమయాలు తెలియాలి. అవి లేవు గనుక, ‘రివర్స్ యాస్ట్రో ఇంజనీరింగ్’ చేసి వాటిని రాబట్టడం జరిగింది. అదంతా ఎలా చేసానో ఆయా అధ్యాయాలలో సోదాహరణంగా వివరించాను. జ్యోతిశ్శాస్త్ర విద్యార్థులకు ఈ గ్రంథం ఒక విందుభోజనం అవుతుందని నమ్ముతున్నాను. భారతీయ చరిత్ర అభిమానులకు, జ్యోతిశ్శాస్త్ర అభిమానులకు మరియు విద్యార్థులకు, ఎంతో ఉపయోగకరమైన ఈ రిసెర్చి గ్రంథాన్ని మా సంస్థ యొక్క 68వ పుస్తకంగా విడుదల చేస్తున్నాను. Purchase eBook on